|
Gwasanaethau Cychwyn Cadarn yn Sir Gaerfyrddin 
Y Cefndir Cyflwynwyd y rhaglen Cychwyn Cadarn yn 1999. Rhoddodd gyfle i wasanaethau ataliol y blynyddoedd cynnar i deuluoedd gael eu datblygu'n lleol ledled Sir Gaerfyrddin, er mwyn diwallu’r anghenion a glustnodwyd yn Strategaeth Cymorth i Deuluoedd Sir Gaerfyrddin. Bwriad y gwasanaethau a ddatblygir o dan y rhaglen Cychwyn Cadarn yw cynorthwyo rhieni/gofalwyr a phlant i hyrwyddo datblygiad corfforol, deallusol, a chymdeithasol plant cyn-ysgol, a hynny er mwyn sicrhau eu bod yn barod i ffynnu pan fyddant yn dechrau yn yr ysgol. Yn 2003, bu i gronfa Cymorth (a roddwyd gan Lywodraeth Cynulliad Cymru i bob un o'r 22 Awdurdod Lleol ar draws Cymru) integreiddio ffynonellau cyllid blaenorol Cychwyn Cadarn, Cymorth i Deuluoedd, a Gwasanaethau Ieuenctid ar ffurf agenda helaethach ar gyfer pawb dan 25 oed. Fe wnaeth hyn alluogi'r Gwasanaethau Cychwyn Cadarn i ymestyn eu cymorth i deuluoedd â phlant hyd at 10 oed o fewn agenda'r Bartneriaeth Blant. Y Cyd-destun Lleol Mae rhaglen Cychwyn Cadarn Sir Gaerfyrddin yn cynnwys 13 o brosiectau a roddir ar waith ar y cyd gan amrywiaeth o bartneriaid o'r sectorau statudol a gwirfoddol sy'n cynnwys: Mae 3 phrif linyn i’r Rhaglen Cychwyn Cadarn yn Sir Gaerfyrddin:
1. Cymorth Rhianta Darperir amrywiaeth o wasanaethau cymorth rhianta sy’n diwallu anghenion amrywiol rhieni/gofalwyr ledled Sir Gaerfyrddin yng nghartref eu hunain.
2. Cymorth mewn Canolfannau Teulu Datblygwyd rhwydwaith o 12 Caonlfan Deulu ledled Sir Gaerfyrddin mewn partneriaeth â Plant Dewi ac maent yn cynnig cyngor a chymorth mynediad agored i deuluoedd mewn amgylchedd gofalgar. Mae’r canolfannau teulu yn y lleoedd canlynol: y Tymbl, Trimsaran, De Cefncaeau, y Betws, y Garnant, Caerfyrddin (2), Llanybydder, Pencader, Sant Paul, y Morfa a Felinfoel. Bydd pobl o ardaloedd eraill yn cael cyfle i ddefnyddio canolfan deulu deithiol sef bws deulawr sy’n ymweld â mannau penodol am gyfnod o 9 mis. I gael rhagor o wybodaeth am y bws teithiol i deuluoedd, cysylltwch â’r Tîm Teulu a Chymuned drwy ffonio 01554 745150. Yn ogystal â hyn, mae Plant Dewi yn trefnu 9 grwp ‘teuluoedd gyda’i gilydd’ a gynhelir bob wythnos ac sy’n cynnig cymorth i deuluoedd yn eu cymuned eu hunain. Mae’r grwpiau ‘teuluoedd gyda’i gilydd’ yn cael eu cynnal yn y mannau canlynol: Brynaman, Llandybie, Cydweli, Lacharn, Saron, Seaside, llandeilo a Llanybydder. I gael rhogor o wybodaeth am grwpiau ‘teuluoedd gyda’i gilydd’, cysylltwch â Phlant Dewi drwy ffonio 01267 221551. 3. Cymorth i rai sydd ag Anghenion Arbennig Darperir gwasanaethau i rai sydd ag anghenion arbennig, gan gynnwys darparu cymorth “Help Llaw” a gydlynir gan Gynllun Cyfeirio Sir Gaerfyrddin, a chymorth therapi iaith a lleferydd.
I gael rhagor o wybodaeth am y Gwasanaethau Cychwyn Cadarn a ddatblygir o dan y rhaglen Cychwyn Cadarn yn Sir Gaerfyrddin, cysylltwch â: Janine Patrick Swyddog Datblygu Cychwyn Cadarn Y Bartneriaeth Blant Adeilad 2 Parc Dewi Sant Heol Ffynnon Job Caerfyrddin SA31 3HB Rhif ffôn: 01267 246559 jpatrick@sirgar.gov.uk |
