|
Partneriaeth Plant Sir Gaerfyrddin
Mae Partneriaeth Plant Sir Gaerfyrddin yn dymuno bod plant Sir Gâr yn ddiogel, yn hapus ac yn iach; a'u bod yn tyfu ac yn datblygu yn ôl eu gallu i fod yn aelodau hyderus a gofalgar o'r gymdeithas a pharchu pob agwedd ar amrywiaeth. Mae'r Bartneriaeth yn deall bod rhaid darparu gwasanaethau drwy'r sir gyfan er mwyn sicrhau bod anghenion iechyd, addysg a chymdeithasol plant yn cael eu diwallu, fodd bynnag bydd yn ofynnol hefyd i dargedu plant sydd â'r angen mwyaf, gan sicrhau bod pob plentyn yn cael y cychwyn gorau mewn bywyd. Mae aelodau'r Bartneriaeth yn cynrychioli'r prif asiantaethau statudol a gwirfoddol sy'n darparu gwasanaethau i blant y Sir. Plant rhwng 0 a 10 oed sy'n derbyn sylw'r Bartneriaeth sydd yn is-grwp y Bartneriaeth Plant a Phobl Ifanc (ac yn cydweithio'n agos â'r Bartneriaeth Pobl Ifanc sy'n ymdrin â phlant a phobl ifanc o 11 i 25 oed). Mae'r Bartneriaeth yn fodd i asiantaethau ddod ynghyd i glustnodi a chymeradwyo materion perthnasol y gellir rhoi blaenoriaeth iddynt a deall eu cyfraniad o ran cynnig manteision i blant. Nid yw'n atal asiantaethau unigol rhag datblygu ond mae'n sicrhau bod y blaenoriaethau o ran cynlluniau cyllido'n cael eu nodi'n glir a bod cyrff yn medru cydweithio er mwyn hyrwyddo prosiectau. Asesiad Digonolrwydd Gofal Plant 2011-14 Dogfen Grynodol Mae Cyngor Sir Caerfyrddin wedi cynnal ail Asesiad Digonolrwydd Gofal Plant yn ddiweddar i fesur faint o alw a darpariaeth gofal plant sydd yn lleol yn unol â Deddf Gofal Plant 2006. Rydym wedi llunio dogfen grynodol o'r Asesiad llawn sy'n amlinellu'r prif gasgliadau, y bylchau mewn gofal plant a'r argymhellion a awgrymir. Mae'r ddogfen Grynodol yn destun YMGYNGHORI ar hyn o bryd. Gellir gweld y ddogfen hon drwy glicio ar y cyswllt. Hoffwn glywed gennych a'ch annog i lenwi'r Ffurflen Ymateb erbyn 18ain Ebrill 2011.  Fersiwn drafft o Asesiad Digonolrwydd Gofal Plant 2011-14, Dogfen Grynodol, Ffurflen Ymateb i'r Ymgynghoriad
Byddwn yn coladu ac yn rhoi ystyriaeth briodol i'r holl ymatebion wrth lunio fersiwn terfynol o'n Hasesiad. Mae hwn yn Asesiad pwysig a bydd yn ein helpu i gynllunio datblygiad darpariaeth gofal plant yn strategol dros y tair blynedd nesaf...gwnewch yn siwr eich bod yn dweud eich dweud! Bydd yr Asesiad terfynol a'r Cynllun Gweithredu sy'n gysylltiedig ag ef ar gael i'w gweld ar y dudalen hon o'n gwefan tua diwedd Mai 2011. |
Fe fyddwch chi angen Acrobat Reader